 ‘Na
renza ‘e sole e tutt ’attuorno pace
Na renza ‘e sole e tutt’attuorno
pace;
cantano aucielle e ‘o mare
addora e cozzeche verace;
nu piscatore passa e se fà
‘o segno ‘e croce
‘nnanze a San Francesco, cà
guarda fisso ‘o mare,
limpido e funno e ‘ncoppa
luce argiento.
Ringrazio ‘o Pataterno ‘e
‘stà jurnata,
accussì pe’ comme s’è
schiarata.
‘Na renza ‘e sole e tutt’attuorno
pace.
Giuseppe Schiattarella
Figliuole
speranzose
Si penzo a tutte ‘sti
figliuole speranzose,
ca’
cercano n’abbraccio, a chi ‘e ffà ‘nnammurà,
e invece, camminando, ‘e
vide spisso sole,
e comme ll’uommene cercano
‘e sbarià.
Io a tutte m’’e pigliasse
‘nzjno
e ce desse a ognuna ‘o poco
‘e core;
me piacesse farle passà
tutt’ ‘e paure,
e sertirle vicino a me
astrette e cchiù sicure.
Vi dico chest’ ma nun stongo
fatto a vino,
‘a vita è bella quanno ogni
matina,
al sorgere del sole,
tu può sempe dicere: ammore,
ammore e ammore.
Giuseppe Schiattarella
Tre
Parole
‘A vote, ‘a ggente penza
ca’ a me nun me ne ’mporta ‘e niente,
quanno passo tutt’ ‘a
jurnata a scagnà tre parole ‘nzjeme a n’ato,
a uno ca’ nun cunuscevo.
Embè, pe’ me chella jurnata
nun è passata inutilmente,
pecchè nuje simmo comme a
tanta frate, o si vuò, comme a tanta surdate:
a nuje nun ce legano leggi
‘e reggimento, ne’ pistole,
a nuje ce lega sulamente ‘o
core.
Giuseppe Schiattarella |
